22-09-11, 11:09 PM
|
#1 | ||
|
سبحان الله وبحمده
 
|
عندما تكون حياتك سلطة
فيه ثلاث مواضيع بالصفحة باسمي!  والله على أيام نشاطي ما صار هالشيء، يا جماعة اكتبوا مواضيع!  عاد إن ما كتبتم كل يوم بلجكم بسالفة  .ما علينا، طرا علي أمس أسولف عن الأكل واكتشفت اليوم إني وصلت لمرحلة الإحتضار بالمنتدى لما قعدت أدور أنا تكلمت عنه قبل ولا لأ؟ بس واي نوت، نكتب مرة وثنتين وثلاث.  الموضوع عبارة عن سؤال واحد لكن إجابته طويلة، شنو هي عاداتك بالأكل؟  أكيد لكل إنسان طريقة معينة في اختيار طعامه،متى يحب هالأكلة ومتى يكرهها؟ متى ياكل ومتى يمتنع عن الأكل؟ كيف ياكل؟ وين ياكل؟ هل له إسلوب معين في طريقة الأكل بحيث إنه يميزه عن البقية؟ وبما إني إنسان أعشق الأكل، فلابد نعطي أنفسنا فرصة نتكلم عنه الي دفعني للحديث عن الموضوع هو لما كنت أتعشى أمس أمي كانت مسوية لنا صينية دجاج، كل أهلي تجمعوا على الصينية إلا أنا طبعًا معروف عني إني ما آكل إلا بروحي، فزفت أمي واحد من أخواني كان مقابل جهازه أكثر من مرة، اكتشفت وقتها إن أنا وياه نتفق ببعض العادات وبديت بعدها أفرز عاداتي بالأكل  وكانت النتيجة كالتالي: 1- لا يمكن آكل وعندي مشوار بروح له،وهالأمر بالغالب ينطبق على الريوق مرات كثيرة أدوخ برا البيت بس الأكل ومن ثم المشي يسببون لي تعب بالمعدة! 2- أحب أسوي ريوقي بنفسي من بين كل الوجبات، وإذا ما سويته أشتري من ماك. 3- مؤخرًا طحت بمغل محل، بس بالعموم ما أطيق آكل العيش وعدد مرات أكلي له قليلة-باستثناء رمضان- 4-أحب أنام مبجر عشان جذي ما أتعشى بسبب مشاكل في المريء 5- أكره ريحة اللحوم الحمراء وخصوصًا الذبيحة، الحليب خصوصًا مال التموين، النعناع!، عشان جذي ما آكلهم أو أشربهم، أحب المحاشي والليمون موجود بكل أطباقي. 6- ممكن أتهاوش\أطق\أزف الي يذكرني إن أكلي محطوط وأنا لاهية بموضوع معين تحديدًا اللاب توب! وما عندي أي مشكلة في إن الأكل يبرد المهم محد يحن علي! 7- ما أقوم آكل وأنا أشتغل خصوصًا اذا كنت عالفوتوشوب. 8- أول ما جت خدامتنا قالت لي صارلي شهرين ما شفتج أكلتي من البيت! إذن أنا وحدة ما أعترف إلا بالمطاعم. 9- أحب آكل وانا على سريري وأبوي يكره هالطبع فدايم يزفني:@. 10- ما آكل الكاكاو في الغالب إلا إذا انا متضايقة. 11- ما أحب آكل مع أحد على سفرة وحدة، ولا يمكن آكل مع أحد من صحن واحد،دايم شاذة عن العيلة! 12- أكثر ما أكون هادية هو لما آكل، وأقدر الناس الي يسكتون حزة الأكل، والكل يستغرب دايم ليش أسكت مع ان النقاشات مرات تكون حادة  ، وأنتقد الي ما ياكل أو يقوم عن أكله لأنه تضايق 13- أحب من المطاعة الامريكية: جليز، اللبنانية: صباح ومسا. 14- ما أحب آكل بالعزايم، ولا مرة أكلت من بوفيه عرس، الشوكة والسكين والملعقة أفضل حضورهم  15- الترتيب،ثم الترتيب، ثم الترتيب وهذا شيء انا ما أعرفه الا بالأكل ومثال عليه : مرة صارت عندنا أزمة خدم في البيت، وقررنا نطلب من مغل محل طلبت صحون برياني، وحطيت في بالي كل صحن راح أقسمه على منو ، ولما جا جبت الأغراض من المطبخ فإذ بأمي تبدي تغرف لهم وقسمت غير عن تقسيمتي فتنرفزت وعصبت وطنقرت وظليت ساعة ما أكلت وأمي مسكينة مهي عارفة أنا ليش معصبة  خواتي إذا جو بياكلون معاي يتمنون ينتحرون إلا شوي، لأني أنطرهم على ما الخدامة تجيب الصحون وأبدي أقسم تقسيمات معينة وأرتبها بحيث تكون بعيني جميلة! وأنا معروف عني البرود بشيئين، الطبخ بما يتبعه من غرف وحط، وفك الأشياء المسكرة.  يلا انا كملت 15 عادة من عادات الأكل عندي، الحين دوركم كل واحد يتكلم عن عادات أكله بالطريقة الي تعجبه وبالي يحب يذكره، تبون نقاط تبون تشرحون، الموضوع موضوعكم
|
||
|
|
22-09-11, 11:22 PM
|
#2 | ||
|
-
|
, اهلاً اهلاً منول  اقولك عادتي بالاكل : 1- مستحييل اكل وانا معصبه واكره عيشتي  2- ما آكل الكاكاو في الغالب إلا إذا انا متضايقة.<< مثلي  3- ماحب اكل لحآلي لازم احد ياكل معاي بس وقت الدرآسه والشغل احب لحالي ارتآح 4-آحب الاكل الحآر اللي كله فلفل وشطه مستحيل اقعد على السفره والشطه او السومطره مو جنبي >> هذآ اللي ببالي .. شكراُ منو على الموضوع 
|
||
|
|
|
22-09-11, 11:56 PM
|
#3 | ||
|
talal
|
. وعليكم السلام ورحمه لله وبركاته شوفي انا لمن اجي من صلاه الفجر . احب اتقهوى واقدع وامخمخ الراس :P واموت في شي اسمه مضغوط < اورح وطي بهل الاكله واحب من الحلويات ( بونتي ) . ومرات عند الغداء احب اكل بصل منقع بزيت زيتون وخل والشاي وقللت منه بس القهوه ادمااااااااااااااااااااااااااااااااااااااااااااااا ااااااان >> احس احشش قهوه ههههههههههههههه احب الاكل الصحي وصرت بالفتره الاخير اهتم . لانى جنت بلاووي وامراض من الاكل الغير صحي  فحرمت وخذيت قرصه اذن على قولتهم وشكرا لج منول  التعديل الأخير تم بواسطة αмίяαησ ; 23-09-11 الساعة 05:53 AM سبب آخر: تغيير الرد لاافضل
|
||
|
|
|
23-09-11, 12:18 AM
|
#4 | |||
|
HFC
|
اكبر دليل على التوحد هههههههههههههههههههههه اقتباس:
مالي عادات معينه على الاكل اذا صرت جوعانه أكل أي شي الا الحمص لو اموت ما أكله , - ماحب الحمص - اكل في كل مكان عادي - أمل من الفاست فود بسرعه يعني لو اكلهم يومين ورا بعض انتحر - احب الذبايح  - الشوكولاته والقهوه شي مقدس عندي- الشيبسات ما اكلها الا اذا كان طعمها بفمي لدرجه اني ماقدر اتكلم :$ - احب الفطور واقدره - الخبز شي اساسي في حياتي - الزعتر والحوامض ممكن اكلهم واشربهم واتنفسم < :$ - اقدر الطماط بـــس كافي فضايح
|
|||
|
|
|
23-09-11, 02:45 AM
|
#5 | ||
|
لآ إله إلآ الله
![الصورة الرمزية [ UnbeKaNnt ]](image.php?s=7fda1882c6edc0bd47ec6ff2f69ba583&u=27113&dateline=1278538742)
|
لوووووووووول خووش موضوع بس وقته غلط " حدي حدي يوعانه يلآ نبدي 1- أقدر أستغني عن وجبه الريوق والغدآ مآعندي مآنع أجمعهم بالعشآ وأذآ رآحت علي نومه وصآرت السآعه بعد 12am مآعندي مشكله أقلب البيت فوق وحدرر وأظرب عن الطعام لووول 2- مآ أحب أتريق بس عندي هالشي وآيد مهم لآن أكله الريوق أهي الي تحدد نشآطي إذآ كليت بكون يومي نشيط وأذآ لآ عآدي تطوف سآعه إلآ أنآ أغمى علي .. 3- قبل كنت أفظل أكل بروحي ولمآ صآر هالشي عآده كرهتهآ وأشتقت حق يمعت الأهل 4- صعب يعجبني شي ! والطبع الي امي مآتحبه أني أحكم ع الأكله بنظره واذا مآعجبني شكله مآكله 5- مآيهمني الترتيب كثر مآيهمني أنه مآ أبي أشوف شي جدامي الا اكلي والعصير اما باجي الطاوله مالي شغل فيهآ 6- مآ أحب العيوش ونآدر مآ أكلهآ مره بالشهر أو شهرين وقآبل للزيآده 7- أذآ الاكله مشبعتني أسسسسولف ومآ أسكت خصوصآ أذآ في نقاش حاد 8- مآ أحب وطفآرتي أحد يعلق على الأكل الي مو عاجبه فـ ليحتفظ رآيه حق نفسه 9- من ينآدوني أكل ومآ أحب أنطر فلآن وعلآن لآن يبيلهم سنه 10- أغلب أكلي مطآعم وأفظل مطعم عندي ماك و "فرآيديز 11- وأخيرآ أحب أكل من دون مآ أعرف مكونآت الطبخه لآني أسآسآ ماعرف أطبخ :$ ويعطيج العافيه خل ادور شي آكله
|
||
|
|
|
23-09-11, 04:04 AM
|
#6 | ||
|
أدبي الهوى, والعقل.
 
|
خوشَ موضوعَ , طريقة او نظام الاكل الئ اكله شوئ غريبَ ! 1- البيضَ وانواع البيضَ , بعيييييد عنهمَ واتذكر لما كنت صغيرَ ماكنت اكل كلشَ ! بعد مانضجت قلت وتسائلتَ ليشَ ماكل هذا الاكلَ , قلت خل اكلَ واجربَ .. جربت وكليت , ولا ثانئ يومَ حساسية فئ ويهي من البيض عرفتَ الحينَ ليش ماكل البيض .. 2- العيييييييشَ .. وما ادراك مالعيشَ , لو يساومونئ علئ ائ شئ .. العيش اولئَ حاليا لوَيقولون امتنع عنه , اقدرَ امتنع 3 ايام واربعَ ! بس ماقدرَ اصبرَ , لانئَ تعودت من الصغرَ عليه وتربيت عليه اتذكرَ قبل ايام بالروضه , عشان تعرفونَ مدئ عشقي له منذ الصغرَ الروضه نداومَ يوم نغيبَ 10 , الحياةمستمرة , المهمَ كنت غايبَ كـ العادهَ وقايم من الساعه 7 , يهال ماكو شغل ولا مشغله ! قعدت افتر بالبيتَواطلع والعب مع الجيران , لي صارتَ الساعه 11 .. لما جات 11 اشتهيتَ العيشَ !! شهالنفس المهمَ ولا ارو اطلع الفرشـَه واجيب اللبنَ والروبَ , واحطهم بالصاله ! واصارخَ علئ الخدامه " ميرئ " جيبي الغدا , طبعا الخدامه منصدمـَه .. شـ الغدا الساعه 11 .. والئ الان مستمرَ غداي الساعه 12 وربع اونصَ :$ شياب ;p 3- شسمهَ واحد من الاهلَ فيه وسواسَ , مادرئ شنو يسمـئَ .. لكن الاهمَ انه وسواسَ بالاكلَ وان مايحب ياكل الا من بيتهمَ ! ولا من زوجته مو الخدامات , لان يشك ان يكون فئ الاكل شئَ او ان طبخه مو نظيفَ وهالكلام ! المهمَ هذا اهو يصيرلي من قريبَ جدا , ومن علاقتي له نمت في بيته جم يومَ بـ مدى العلاقه والقربَ بينئَ وبينه فـ لما يجئ وقت الغدا او العشئَ , انا غداي بروَح واهو بروَحَ ! المهمَ .. لا صارَ فئ غدا او عشئ خاصَ ..بين الاهلَ , يروح وياخذ الغدا معاه .. وشسمه انا خذيت منه هالوسواس بـ شئَ لكن بقوله في النقطه الرابعه ! 4- انا من صغرئَ .. فيني شئ لكن ماقدر شنو اسميهَ ! هل وسواس او غيرهَ .. لكن انا ماشرب من قلاصَ او فنجال او شي يشربَ ويكون مستعمل ! مستحيييييييييييل , لازم يكون جديَد او بالبيت اشرب من قلاصاتبلاسيتك الجديده والئ تكون مو مستعمله , فـ من عادتئ هذي اخذ مواقف محرجه لما يكون هناك اعراسَ وعشيات وغدئ عام او خاصَ , خصوصا لما بالقهوهَ والجـائَ .. اهم يعطوني فنجال او بياله مستعمله !فـ مستحيل اشربَ , والمشكله الاكبرَ لما تقول للئ يصبَ " بسس " او بمعنئ َ اخر لا تصب ويصب لك !هنئ المشكله .. ومع ذلك ماشرب مستحيَل , والاهل والجماعه يتفهمون هالامرَ فـ مع كل غدا وعشئلازم في قلاصات بلاسيتك ..5- لما اكلَ .. ما احبَ اكلَ وانام وراهاَ ! مع انئ اسويها كثيرَ , لكن ماترتاحَ بالنومَ .. 6- مرات يكون اكلئَ منظمَ وان صحئَ .. 7- اكل المطاعمَ لا يستهويني كثيرَ كثيرَ .. اذا ماقارنته مع العيشَ وغيرهَ من اكلات البيت :* 8- اعشقَ المطاعمَ الاكلات الكويتيه الاصيلَه , ويعجبنئ فريجَ صويلح ومغل محَل , واهم شئ يكون ضابطيَن العيوشَ عدل 9- ماحبَ اكل علئ طاولة طعـاامَ .. جربت اكثرَ من مره , مايصلحَ للاكل " الدسمَ " مثل العيوش خصوصا بعد اذا كنت تاكل بالخمسه 10- ترتيبَ الاكل .. مايهم ;D 11- الريوقَ .. غيرَ البسكوت مع الجائَ , ما اتريقَ ! 12- لما اكون بشتغلَ بـ شغله مهمه .. ماحب اكل ابدا قبل هالشغل بـ نص ساعه ! 13- الطماط والبصَل - هالاثنيَن ماحبَ اكلهم الا مع العيشَ فقط :* 14- احبَ الخبزَ الاسمرَ والعيش الاسمرَ .. 15- بعد العيشَ , لازم بيبسئ دايت السموحه قرقت وايد , وااحسَ طلعت من محورَ الموضوع بس الشئ بـ الشئ يذكرَ , شكرا =)
|
||
|
|
|
23-09-11, 06:06 PM
|
#7 |
|
........ Hala Madrid :$
|
|
|
|
!|
24-09-11, 02:26 AM
|
#8 | ||
|
استغفر الله
 
|
[CENTERو علييكم السلام و الرحمه الموضوع عجييب و يتكلم عن ثاني احلى شي بالدنياا ((الأكل)) انا وحده اكل لما اعصب اكل لما ازعل اكل لما اتضايق اكل لما اكون مستانسه اكل لما اتوتر اكل لما امل انساانه تعشق نص المطاعم و تعشق الككاو كذلك و دايما يسوونلي منشن بتويتر a skinny friend who eats like an elephant !! الحمدلله كثره الاكل ما تزيد وزني وايد لأني وايد اتحرك و يمكن يصير فيني شي اذا قعدت بمكاني فتره طويله لذلك اكره المدرسه , الطياره , طريج شاليه او مزرعه ...الخ جنه وايد قرقت !! شسوي عجبني الموضوع xD قوااج الله واصلي ابداعج .. ![/center]
|
||
|
|
|
25-09-11, 07:44 PM
|
#10 |
|
سبحان الله وبحمده
|
اضنآني الشوق..! هلا فيج، تدرين عاد، يقولون لج فيه دراسة تقول ان الكاكاو يجلب السعادة! عشان جذي فيه ناس يشتهون ياكلونه لما يكونون بحالة اكتئاب او احباط ماهي السومطرة؟ نورتي عزيزتي αмίяαησ ماشاء الله عليك، انا قريت الردين ، بصل وثوم يعني اكل صحي استمر ياخي مافي مثل القعدة ورا الفجر لين شروق الشمس! جو خيالي ومع التمر الحلو يطلع أطيب وأطيب وماهو المضغوط يالمطيري، هل تأكل أكلة نحن لا نأكلها في الكويت ؟شكرًا لك يا أمير cat.walk شوي شوي على عمرج صوت ضحكج وصل للمنتديات الثانية! :@ توحد ها!، راح ارد عليج بالرد الحكيم الذي تداولته الأجيال: قول عني ما تقول صوبي كم صعب الوصول الي ما يطول العنب حامض عنه يقول wait wait ... في احد بالدنيا ما يحب الحمص  ؟؟طبعًا ما اتكلم عن حبات الحمص المعلبة! اتكلم عن الحمص المطحون الي ناكله بالمطاعم! يا الهي، انا قاعدة احلم بس بالروحة لصباح ومسا عشان اطلب مسحب دجاج مع تبولة وصحن حمص :'( أجل تشربين الزعتر والحوامض؟ بديت اعيد النظر بعلاقة صداقتنا، على جذي كنت راح اتخسر لو عزمتج عالمطعم
|
|
|
|
25-09-11, 07:50 PM
|
#11 | |
|
talal
|
. اقتباس:
ههههههههههههه لا بس انا لمن غيرت الرد خفت لان قبل كنت اكل بصل وثوم واقعد عقب الصلاه الى الفجر بس الحين صرت اكره هل الشيء ولله فجأه انقلبت صرت كل شيء اكرها ي اختي منال . قبل ينادوني ( الشايب ) ههههههههههههههههههههه والمضغوط اكله شعبيه سعوديه تلقينها بالاستراحات السفر الى بالسعوديه |
|
|
|
|
25-09-11, 09:21 PM
|
#12 |
|
.
|
هالمضوع تخصصي أولا البيت كله ماياكل إلا انا وياهم مسويه جو لهم << واثقه ثانيا ما عندي أكل معين عادي عندي أي شي وأحب أجرب الأشياء الغريبه وخصوصا السلطات ثالثا عندي عاده غريبه والكل يستغربها لما نكون بمطعم أحب آكل وأنا ساكته لدرجة مره خالتي وصلت متأخره وشافتني آكل قالت حسيت إنج تسولفين مع الأكل هههههه رابعا أحب وأنا أطالع فيلم يكون يمي كاكاو وبيبسي وبطاط ضروري وخصوصا إذا كان الفيلم ناطرته أو عاجبني لدرجة الجنون وعلى الأغلب نوع هالأفلام رعب خامسا أحب آكل من الأكل إلي أسويها معنى كل من في البيت يقول العكس  سادسا شكرا منول على الموضوع المميز والغريب وإلي طلعنا من الروتين
|
|
|
|
25-09-11, 09:36 PM
|
#13 | |
|
-
|
, اقتباس:
 الله يسلمك خيتي هذي احرّ من الشطه يعني شيء حار مررره تاكلينه مع الكبسه او اي اكله المهم انهآ شيء حار بالحيييل < آن شاء الله عرفتيهآ.. |
|
|
|
|
25-09-11, 10:59 PM
|
#14 | ||
|
,
|
|
||
|
|
. لدرجة الوالده تذكرني |
26-09-11, 10:54 PM
|
#15 |
|
سبحان الله وبحمده
|
•[ 3βeeя ]• ههههههه اعتذر على ذلك تدرين عاد، انا ما اؤمن بمبدأ انطر لا تتغدى عشان البقية ويمكن لأني منفصلة دايمًا بصحني فما امر بهالمأساة، بس مرات امنع الناس ياكلون لين الكل يجي عشان نقسم الأكل» مقرود الي بياكل وهو تحت إمرتي  بالعافية عليج، ونورتي | طُهر الغيْم | والله ردك اعطيه ١٠\١٠، وتستاهل تقييم بعد عجبني حيل، سالفة الغدا ١٢، تصدق انا بعد اتغدى هالحزة! بيتنا بكبره يتغدى ١٢ الظهر، بعد الصلاة بس يجهز الغدا ناكل! اما قصة قريبك على غرابتها الا ان وضعك أغرب عمري ما تخيلتك غريب الأطوار الله يهداه الي يقرب لك لا ياخذ الاكل معاه من الأساس طيب ما تحس بعدم الراحة يعني؟ انك مضطر لهالشيء وين ما رحت وجيت؟ السؤال الي يطرح نفسه يا مراقبنا، شنو الي يخليك تشرب بالبلاستيك وما تشرب بالأكواب المستعملة؟ هل تظن انها انظف؟ هل تقوم بغسل البلاستيك بنفسك وتنظيفه جيدًا؟ صراحة حالتك لفتت نظري، لأن عندي ناس موسوسين بس مثل وسواسك ما شفت :\ عالعموم مشكور يا مراقبنا عالرد المميز، ٥ ستار للرد و٦٠٠٠ نقطة مني ✿فَتـَ~ـَآةْ الْشَّـ~ـَرْقْ « ~ نايس وجودج مراقبتنا، فيه تقارب بيني وبينج بالعادات الأكولية خصوصًا سالفة اكل الجهال، انا اخلي الاكل واقوم ولا اكل مع الجهال حتى لما اطلب اقسم لهم بصحن خاص بس لحد يمد ايده على صحني يا سلام هالموضوع طلع لنا عادات غريبة عجيبة من أعضاءنا، أجل ما تحبين تشوفين الشعر؟ يبيلنا طبيب نفسي يا جماعة طيب السؤال هني، تشبعين بسرعة ولا تاكلين بسرعة؟ تذكرت وحدة من خواتي لما نطلب وجبات، اكون انا توني افتح الكتشاب واضبط البطاط والوجبة ولا هي خلصت وجبتها:| مسمينها العتوي نورتي فتاتو |
|
|
 |
«
الموضوع السابق
|
الموضوع التالي
»
| الذين يشاهدون محتوى الموضوع الآن : 1 ( الأعضاء 0 والزوار 1) | |
| أدوات الموضوع | |
| انواع عرض الموضوع | |
العرض العادي
|
|
